عن خدمة العملاء والتوصيل – Xcite Online Shopping Review
للامانه طلبت منهم اكثر من مره وكل مره تصير معاي نفس المشكله ، الي هي تأخير في الطلب مثلا يكون فتره التوصيل من يوم الي يومين وعادي تصير سبوع واكثر بعد لا تستغرب هذا الشي لان ماعندهم الامانه في التوصيل احسن لك روح اخذ المنتج حقك من الفرع .
اما عن خدمة العملاء لما حاولت اتواصل معاهم عن طلبيتي كل يوم يقولون بكره وخلال 24 ساعه راح نتواصل معاك ومن الكلام الفاضي هذا معناتها انتظر لما هم حظرتهم يفكرون انهم يتصلون عليك مو معناته انهم محترمين وقت الطلب المتوقع من التطبيق ، وكل مره يقولون لي الطلبيه مالتك طلعت وصار فيها مشاكل ورجعناها المستودع ، ولما اتواصل معاهم يقولون حنى كلمنا مسؤول التوصيل من كثر ماسمعت هذي الجمله صرت اشك انه اصلا في مسؤول توصيل شنو هل مسؤول النايم ولما احاول اقولهم عطوني اي شي يوصلني لمسؤول التوصيل يقولون ممنوع ومايصير ومن هذا الكلام .
نصيحه روح اخذ المنتج مالك من الفرع احسن لك من تعب الراس
Review by op1qm on
Xcite Online Shopping.